Тоқаев Қазақстанның ақпараттық қауіпсіздігін қамтамасыз ету ісінің қазіргі жай-күйімен танысты

Ақорданың баспасөз қызметінің мәліметінше, мекеме қызметімен танысу барысында мемлекет басшысына Қазақстан Республикасының ақпараттық қауіпсіздігін қамтамасыз ету ісінің қазіргі жай-күйі және қабылданып жатқан шаралар жөнінде мәлімет берілді.

"Президентке Ақпараттық қауіпсіздіктің ұлттық үйлестіру орталығының, Телекоммуникация желілерін басқару орталығының, сондай-ақ Компьютерлік инциденттерге қарсы ұлттық әрекет ету қызметінің және Зиянды кодты зерттеу орталығының жұмыс процесі мен нәтижелері таныстырылды", – делінген ресми хабарламада.

Президентке биыл 9 ай ішінде мемлекеттік органдардың ресурстары мен еліміздің аса маңызды нысандарына жасалған 163,4 миллион кибершабуылға тойтарыс берілгені жөнінде баяндалды.

Қасым-Жомарт Тоқаев еліміздің ақпараттық инфрақұрылымының тұрақты қызметін қамтамасыз ететін және осы саладағы қауіпсіздікке төнген кез келген қатерге төтеп беретін механизмдерді дамыту маңызды екенін атап өтті.

Мемлекет басшысы аталған қызметті жетілдіру мәселелеріне қатысты бірқатар нақты тапсырма берді.

Оқи отырыңыз

Астана қаласының экс-әкімі Эстония Президентімен кездесті

19:21, 03 мамыр 2024

Тоқаев Әзербайжан мен Арменияның Алматыда өтетін келіссөздеріне қатысты мәлімдеме жасады

13:05, 01 мамыр 2024

Қасым-Жомарт Тоқаев баршаны Қазақстан халқының бірлігі күнімен құттықтады

09:03, 01 мамыр 2024