Қазақстанда қорғаныс-өнеркәсіп кешенін дамыту қоры пайда болады

Көлік министрлігі "Қорғаныс-өнеркәсіп кешенін дамыту қоры" АҚ құру туралы" үкімет қаулысын дайындады, деп хабарлайды Zakon.kz.

"Жарғылық капиталына мемлекеттің 100 пайызы қатысатын "Қорғаныс-өнеркәсіп кешенін дамыту қоры" акционерлік қоғамын құру", - делінген құжатта.

Қор қызметінің негізгі бағыты – отандық ғылыми-техникалық әзірлемелерді қаржылай қолдау және әскери-өнеркәсіптік кешендегі ұйымдарды жаңғырту.

Қордың жарғылық капиталы республикалық бюджеттен 265 722 000 теңге сомасында қалыптасады. АҚ акцияларының мемлекеттік пакетін иелену және пайдалану құқығы ҚР Индустрия және құрылыс министрлігіне беріледі.

Құжат 26 қазанға дейін қоғамдық талқылау үшін "Ашық НҚА" сайтына жарияланған.

Бұған дейін Қазақстан әскери мақсаттағы ақпараттық-коммуникациялық инфрақұрылымның бірыңғай операторын анықтағанын айтқан едік.