Жұманғарин: Екі облыстың әкімдігі азық-түлік қауіпсіздігіне немқұрайлы қарайды
Сурет: primeminister.kz
Жиынның басты тақырыптарының бірі әлеуметтік маңызы бар азық-түлік тауарларының (ӘМАТ) қымбаттауы болды. Төрт айлық құлдыраудан кейін ӘМАТ құны қайтадан көтеріле бастады. Жұмыртқа, қарақұмық, ұн қымбаттап барады.
Жыл басынан бері әлеуметтік маңызы бар тауарлардың бағасы ең жоғары көтерілгені Ұлытау облысында (9,6%) және Астанада (7,6%). Серік Жұманғарин бұл өңірлердің әкімдіктерін азық-түлік қауіпсіздігі мәселесіне салғырт қарайды деп сынға алды. Жыл басынан бері ӘМАТ бағасы төмендеген жалғыз облыс Алматы (-0,2%) болды.
Жиында "ҚТЖ – Жүк тасымалы" ЖШС бас директоры Владимир Петров Серік Жұманғарин бір апта бұрын берген өнімді өңірлерге жеткізу бойынша тапсырыстың орындалғаны туралы баяндады. Оның айтуынша, биыл тоғыз айда елімізге ауыл шаруашылығы тауарларының импорты 2,1 миллион тонна болған.
"Тек қазан айының өзінде 341 мың тонна астық импортталатыны жарияланса, оның 190 мың тоннасы келісілді. Сонымен бірге негізгі жоспар бойынша бастапқыда 58 мың тонна астық жарияланса, 132 мың тоннасы қосымша өңделген. Сауда министрлігімен және Астық өңдеушілер қауымдастығымен жұмыс істедік", - деді Владимир Петров.
Оның айтуынша, 10,1 мың тонна ұнды импорттау бойынша сұраныстар толығымен орындалды, жалпы салмағы 145 мың тоннаны құрайтын әлеуметтік маңызы бар өнімдерде де осындай жағдай. Сонымен қатар қазан айының басынан бері ел ішінде ұн, астық және ӘМАТ тасымалдауда артта қалу байқалды. Астық бойынша жоспар 76%, ұн бойынша 72%, күнбағыс майы бойынша 23% ғана орындалды.
"Темір жол бөлімшелерінің барлық басшыcына бірінші кезекте вагондарды азық-түлікпен қамтамасыз ету/тазалауды қамтамасыз ету және мұндай өтініштерді 24 сағаттан аспайтын мерзімде қарау тапсырылды. Тәулік бойы кезекшілік белгіленді", - деді Владимир Петров.
