ҚР ОСК мәслихаттардың шығып қалған депутаттарының орнына сайлау қорытындыларын жариялады
Сурет: Zakon.kz
2023 жылғы 29 қазанда Қазақстан Республикасының 11 өңірінде - Абай, Ақтөбе, Алматы, ШҚО, Жамбыл, Жетісу, Қарағанды, Маңғыстау, Павлодар, СҚО облыстарында және Алматы қ. 21 сайлау округінен мәслихаттардың шығып қалған депутаттарының орнына сайлау өтті.
"Барлығы 2 облыстық, 7 қалалық және 12 аудандық мәслихаттардың депутаттары сайланды." ҚР ОСК баспасөз қызметі
232 сайлау комиссиясы, оның ішінде 10 облыстық, 1 республикалық маңызы бар қала, 5 қалалық, 13 аудандық, 21 округтік және 182 учаскелік сайлау комиссиялары жұмылдырылды.
Сайлау бюллетеньдеріне 69 кандидат енгізілді.
"Орташа бәсекелестік бір депутаттық мандатқа үштен астам кандидатты құрады. Ең үлкен бәсекелестік - Алматы қаласындағы №4 округ бойынша бір орынға 6 үміткер. Ең азы - Жетісу облысы бойынша №6, 7, 8, 10 округтер бойынша бір орынға 2 үміткер." ҚР ОСК баспасөз қызметі
Сайлаушылардың келуі - 40,25 %.
Сайланған 21 мәслихат депутатының 15-ін саяси партиялар ұсынды, 6-ы өзін-өзі ұсыну арқылы ұсынылды. Оның ішінде 18 (85,7 %) ерлер, 3 (14,3%) әйелдер, 3 ұлт өкілдері.
Сайланған мәслихат депутаттарының орташа жасы 43,8 жасты құрайды.
"Сайлау науқаны республиканың сайлау заңнамасы нормаларының талаптарына сәйкес өтті. Дауыс беру күні байқауды кандидаттардың сенім білдірілген адамдары, байқаушылар және Қазақстан Республикасының БАҚ өкілдері, барлығы 780-нен астам адам жүзеге асырды." ҚР ОСК баспасөз қызметі
Қазақстан Республикасының Орталық сайлау комиссиясы осы сайлауды ұйымдастыру және өткізу кезінде аумақтық сайлау комиссияларына әдістемелік басшылықты, сондай-ақ олардың қызметінің Сайлау туралы Конституциялық заң талаптарына сәйкестігін бақылауды жүзеге асырды және өзінің интернет-ресурсында 11 өңірде 21 сайлау округі бойынша шығып қалған депутаттардың орнына сайлау қорытындылары бойынша мынадай талданған ақпаратты ұсынады.
