Ақордада Эмманюэль Макронды салтанатты түрде қарсы алу рәсімі өтті

"Ақорда" резиденциясында Қазақстанға ресми сапармен келген Франция президенті Эмманюэль Макронды салтанатты түрде қарсы алу рәсімі өтті, деп хабарлайды Zakon.kz.

Қасым-Жомарт Тоқаев пен Эмманюэль Макрон бір-біріне ресми делегация мүшелерін таныстырды, деп жазды Ақорданың Telegram-дағы ресми арнасы.

Сурет: akorda.kz

Құрмет қарауылының бастығы мемлекеттер басшыларына рапорт беріп, екі елдің әнұраны шырқалды.

Қазақстандық саясаттанушы Оразғали Селтеев алдағы үш күнде Астана тағы да әлемнің назарына ілігетінін айтып, Францияның Қазақстандағы мүддесіне баға берді.