Экология министрлігі вице-министрдің тергелуіне қатысты түсініктеме берді
![Экология министрлігі вице-министрдің тергелуіне қатысты түсініктеме берді, сурет - Zakon.kz жаңалық 05.02.2024 21:11](https://kaz.zakon.kz/pbi/WEBP/2024-02-05/file-87dbaa91-f6ee-484c-a277-ab3fdd45bab8/400x225.webp)
Экология және табиғи ресурстар министрлігі вице-министр Мансұр Ошурбаевтың тергелуіне қатысты пікір білдірді, деп хабарлайды Zakon.kz.
Баспасөз қызметінің хабарлауынша, департаменттің өзі іс материалдарын Антикорға жіберген.
"ҚР ЭТРМ БҰҰ-ның Климаттың өзгеруі туралы негіздемелік конвенциясы тараптарының 28-конференциясын өткізуге арналған шығыстарға қатысты өткізілген (COP-28) ішкі аудит нәтижелері бойынша ақпараттар министрлік басшылығымен Сыбайлас жемқорлыққа қарсы қызметке жіберілді", - делінген Экология министрлігінің хабарламасында.
"Осыған байланысты, 2024 жылғы 5 ақпанда Сыбайлас жемқорлыққа қарсы іс-қимыл агенттігінің Астана қаласы бойынша департаментінің жедел-тергеу тобымен Экология және табиғи ресурстар вице-министрі М.Ошурбаевтың қызметтік үй-жайында құжаттар алынды. Қазір вице-министр жұмыс орнында жоқ", - деп қосты министрлік.
Бұған дейін Антикор Дубайда өткен көрмеге қатысты ҚР Экология және табиғи ресурстар вице-министрі Мансұр Ошурбаевқа қатысты тергеу жүргізіп жатқаны хабарланған еді.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript