Мәжіліс қатарына жаңадан қосылған депутат ант берді

Мәжілістің пленарлық отырысында Amanat фракциясының жаңа депутаты Нұрсұлтан Байтілесов Қазақстан халқына адал қызмет етуге ант берді, деп хабарлайды Zakon.kz.

Ол Заңнама және сот-құқықтық реформа комитетінің құрамында жұмыс істейтін болады.

"Қазақстан халқына адал қызмет етуге, Қазақстан Республикасының тұтастығы мен тәуелсіздігін нығайтуға, оның Конституциясы мен заңдарына қатаң бағынуға, маған жүктелген депутаттың жоғары міндеттерін адал орындауға ант етемін", – деді Нұрсұлтан Байтілесов.