Қазақстан мен Өзбекстан азаматтарының екі ел аумақтарында болуы туралы заңға қол қойылды

"Мемлекет басшысы "2000 жылғы 7 шілдедегі Қазақстан Республикасының Үкіметі мен Өзбекстан Республикасының Үкіметі арасындағы Азаматтардың өзара сапарларының шарттары туралы келісімге өзгерістер енгізу туралы хаттаманы ратификациялау туралы" Қазақстан Республикасының Заңына қол қойды", делінген Ақорда хабарламасында.

Заңның мақсаты – екі ел арасындағы достық қатынастарды одан әрі дамыту, азаматтардың сапарларын реттеу, сондай-ақ бір мемлекет адамдарының екінші мемлекеттің аумағында болуына қолайлы жағдай жасауға құқықтық негіз қалыптастыру болып табылады.

"Құжатта тараптар азаматтарының өзге елде болу кезеңі шекарадан өткен сәттен бастап 30 күннен аспаса, онда сол елдің аумағында құзыретті органдарда тіркелмей болудың оңайлатылған тәртібі көзделіп отыр. Осылайша, екі мемлекет азаматтардың өз аумақтарында уақытша тіркеусіз жүрудің мерзімін 5 күннен 30 күнге дейін ұлғайтты", делінген 2024 жылғы 21 ақпандағы Сенат талқысында.

Айта кетсек, 5 сәуірде Хиуа қаласында Қасым-Жомарт Тоқаев пен Өзбекстан Президенті Шавкат Мирзиёев бейресми кездесуі өтті.

Оқи отырыңыз

Әлеуметтік желіде АҚШ губернаторларының бірінің Қонаевқа жазған хаты жарияланды

18:50, 04 мамыр 2024

Досаев коммуналдық инфрақұрылымды дамыту басқармасының басшысын ауыстырды

17:08, 04 мамыр 2024

Астана қаласының экс-әкімі Эстония Президентімен кездесті

19:21, 03 мамыр 2024