Мемлекет басшысы Өзбекстан Президентіне су тасқыны кезеңнінде көмек көрсеткені үшін алғысын білдірді

Сурет: akorda.kz

Тоқаев 23 сәуірде Өзбекстан Президенті Шавкат Мирзиёевпен телефон арқылы сөйлесті. Әңгіме барысында осынау қиын-қыстау күнде көмек қолын созғаны үшін ел президентіне және Өзбекстан халқына алғысын білдірді, деп хабарлайды Zakon.kz.

Бұл туралы Ақорда мәлімдеді.

"Қасым-Жомарт Тоқаев еліміздің бірқатар өңірінде болған су тасқынына байланысты тілеулестік танытып, көмек көрсеткені үшін Шавкат Мирзиёевке және бауырлас Өзбекстан халқына алғыс айтты."

Президенттер қазақ-өзбек стратегиялық серіктестігін одан әрі нығайту, сондай-ақ бұған дейін қол жеткізілген уағдаластықтарды жүзеге асыру мәселелерін талқылады. Тараптар екіжақты қатынастар мен өңірлік деңгейдегі кооперацияның қарқынды дамып келе жатқанына назар аударды.

"Сонымен қатар мемлекеттер басшылары аймақтық және халықаралық күн тәртібіндегі өзекті мәселелер бойынша пікір алмасты.",- делінген хабарламада.

Оқи отырыңыз