Тоқаев пен Германия канцлері жаһандық күн тәртібіндегі өзекті мәселелерді талқылады
Сурет: akorda.kz
2024 жылы 28 мамырда Мемлекет басшысы Қасым-Жомарт Тоқаев ГФР Федералдық канцлері Олаф Шольцпен телефон арқылы сөйлесті, деп хабарлайды Zakon.kz.
Ақорданың хабарлауынша, Германия тарапының бастамасымен өткен әңгімелесу барысында Қасым-Жомарт Тоқаев пен Олаф Шольц екіжақты қатынастардың практикалық мәселелерін талқылады. Атап айтқанда, Мемлекет басшысының былтыр қыркүйек айында Берлинге жасаған ресми сапары барысында қол жеткізілген уағдаластықтарды жүзеге асыруға баса мән берілді.
"Тараптар сауда-экономикалық ықпалдастық қарқыны жоғары екеніне ерекше назар аударып, іскерлік байланыстарды нығайтуға және бірлескен инвестициялық жобаларды іске асыруға өзара қызығушылық танытты", делінген хабарламада.
Сонымен қатар Қасым-Жомарт Тоқаев пен Олаф Шольц өңірлік және жаһандық күн тәртібіндегі өзекті мәселелер жөнінде пікір алмасып, екі елдің халықаралық аренадағы күш-жігерін үйлестірудің маңыздылығына назар аударды. Осы орайда тараптар алдағы уақытта Астанада "Орталық Азия – Германия" форматында өтетін жоғары деңгейдегі кездесудің мәні зор екенін атап өтті.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
