Қазақстан мен Қытай өзара мәдени орталықтар құруға келісті

Сурет: gov.kz

Мәжіліс депутаттары 5 маусымда өткен пленарлық отырыста Қазақстан мен Қытай арасындағы мәдени орталықтарды өзара құру туралы келісімді ратификациялады, деп хабарлайды Zakon.kz.

Мәжіліс депутаты Жанарбек Әшімжанов Келісім екі мемлекет басшыларының елдерімізде мәдени орталықтар құру туралы уағдаластығы шеңберінде әзірленгенін айтты.

"Бұл келісім достық қарым-қатынастарды дамытуға, мәдени-гуманитарлық саладағы алмасу мен ынтымақтастыққа бағытталған. Келісімге сәйкес, екі мемлекеттің мәдени орталықтары жіберуші Тарап аккредиттеген және консулдық орналасқан мемлекетінің заңнамасына сәйкес жұмыс істейтін коммерциялық емес ұйымдар болып табылады", – деп атап өтті Жанарбек Әшімжанов.

Оның айтуынша, өз қызметін жүзеге асыру кезінде Тараптардың бірі мәдени орталықтарға еркін баруды және мәдени орталықтардың үй-жайларының ішінде және сыртында өткізілетін іс-шараларға қатысуды қамтамасыз етеді.

"Мұндай орталықтардың құрылуы мәдени өзара іс-қимылды нығайтуға серпін беретіні сөзсіз. Заң жобасын қарау нәтижелері бойынша Қазақстан Республикасы Парламенті Мәжілісінің комитеттері оң қорытындылар берді. Заң жобасы жұмыс тобының отырыстарында және Комитеттің кеңейтілген отырысында талқыланды", - деді ол.

"Қазақстан Республикасының Үкіметі мен Қытай Халық Республикасының Үкіметі арасындағы мәдени орталықтарды өзара құру туралы келісімді ратификациялау туралы" Қазақстан Республикасы Заңының жобасы Қазақстан Республикасы Парламентінің Сенатына жолданды.

4 маусымда Маңғыстау облысында Қытайдың 13 азаматы заңсыз жұмыс істеп келе жатқаны анықталды.

Оқи отырыңыз