Цифрлық даму, инновациялар және аэроғарыш өнеркәсібі министрі Павел Дуровты Қазақстанға шақырды

Сурет: Instagram/durov

Цифрлық даму, инновациялар және аэроғарыш өнеркәсібі министрі Жаслан Мәдиев 2024 жылғы 18 маусымда Үкіметте өткен баспасөз конференциясында "ВКонтакте" әлеуметтік желісінің және Telegram мессенджерінің негізін қалаушы Павел Дуровты Қазақстанға шақырғанын айтты, деп хабарлайды Zakon.kz.

Жаслан Мәдиев Павел Дуровтың Қырғызстанға сапары туралы айтты.

"Мен оның Ыстықкөлге барғанын білемін және оның тікелей командасымен жеке таныспын. Павел Дуровтің өзімен жеке әлі таныс емеспін, алайда оның командасы менің шақыруым оның қолына жеткенін айтты. Менің ойымша, ол болашақта Қазақстанға келеді, солай үміттенемін. Оның келуіне барынша күш саламын", - деді ол.

Ол олардың талқылайтын көп нәрсесі бар екенін айтты.

"Telegram жоғары технологиялық компания екенін білеміз. Жақында олар блокчейн технологиялары, криптоиндустрия компанияларымен интеграциялау бойынша бірқатар бастамалар жариялады, блокчейн саласындағы қосымшаларға арналған платформаны іске қосады. Сондықтан, менің ойымша, талқылауға болатын көптеген жоғары технологиялық жобалар бар. Осымен жұмыс істейтін боламыз", - деп түйіндеді ЦДИАӨМ басшысы.

Бұған дейін Жаслан Мәдиев Қазақстанның тас жолдарында интернет қашан пайда болатынын айтқан болатын.

Оқи отырыңыз