Астраханьда Қазақстанның консулдығы ашылады

Астраханьда Қазақстанның консулдығы ашылады, сурет - Zakon.kz жаңалық 15.07.2024 11:54 Сурет: wikimedia
"ҚР Үкіметі мен РФ Үкіметі арасындағы РФ, Астрахань қаласында Қазақстан Республикасының Консулдығын және ҚР, Орал қаласында Ресей Федерациясының Консулдығын ашу туралы келісімге Хаттаманы" бекіту туралы "Үкіметтің қаулысы дайындалды", деп хабарлайды Zakon.kz.

"Қоса беріліп отырған 2024 жылғы 20 мамырда Астанада жасалған Қазақстан Республикасының Үкіметі мен Ресей Федерациясының Үкіметі арасындағы Ресей Федерациясы, Астрахань қаласында Қазақстан Республикасының Консулдығын және Қазақстан Республикасы, Орал қаласында Ресей Федерациясының Консулдығын ашу туралы келісімге Хаттама бекітілсін",- делінген құжатта.

Қазақстан Республикасының Астрахань қаласындағы Бас консулдығының консулдық округіне келесі өзгерістер енгізіледі:

  • Адыгей Республикасының, Дағыстан Республикасының, Ингушетия Республикасының, Қабарда-Балқар Республикасының, Қалмақ Республикасының, Қарашай-Черкес Республикасының, Солтүстік Осетия-Алания Республикасының, Шешен Республикасының, Ростов облысының, Краснодар және Ставрополь өлкелерінің аумақтары қосылсын;
  • Орынбор, Самара және Саратов облыстарының аумақтары шығарылсын. 

Өз кезегінде Маңғыстау облысының аумағы Ресей Федерациясының Орал қаласындағы Бас консулдығы консулдық округінің құрамынан шығарылсын. 

Құжат 26 шілдеге дейін жария талқылау үшін "Ашық НҚА" сайтында орналастырылған.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: