Мемлекет басшысы: Әкімдер сайлауы – саяси жүйені реформалау ісіндегі маңызды қадам

Референдум, выборы, избирательный бюллетень, бюллетени, избирательная урна, сурет - Zakon.kz жаңалық 02.09.2024 13:16

Фото: Zakon.kz

Мемлекет басшысы 2 қыркүйектегі Қазақстан халқына Жолдауында азаматтарымыздың соңғы жылдардағы тағы бір талабы – әкімдерді тікелей сайлау жүйесін енгізу. Бұл талап та орындалғанын айтты, деп хабарлайды Zakon.kz.

Ауыл әкімдерін тікелей сайлау жүйесі 2021 жылы енгізілді. Содан бері 2,5 мыңға жуық әкім сайланды.

"Бұл – барша ауыл әкімдерінің 90 пайызға жуығы деген сөз. Қалғандары әкімнің өкілеттік мерзімі аяқталған кезде өз ретімен сайлана береді. Жаңа әкімдердің 60 пайызы бұрын мемлекеттік қызметте жұмыс істемеген. Олардың арасында әртүрлі кәсіп иелері, түрлі партия өкілдері бар. Орташа жасы – 46 жас. Бір сөзбен айтсақ, халық өзі таңдаған әкімдердің құрамы едәуір жаңғырды." Қасым-Жомарт Тоқаев

Былтыр күзде алғаш рет аудан және облыстық маңызы бар қала әкімдерін сайлай басталды.

Барлық облыста 45 әкім жаңа тәсілмен сайланды.

Біз сайлау нәтижесін және сайланған әкімдердің жұмысын жан-жақты зерделедік. Соның қорытындысы бойынша түбегейлі шешім қабылдадық. Келесі жылдан бастап жаңа жүйеге біржола көшеміз. Бұдан былай аудан және облыстық маңызы бар қалалардың әкімдері тікелей сайлау арқылы ғана қызметке келеді. Президент

Әкімдердің өкілеттік мерзімі аяқталуына қарай яғни, ротация мерзімі жеткенде сайлау біртіндеп өткізіле береді.

Бұл да – саяси жүйені реформалау ісіндегі кезекті маңызды қадам. Саяси реформа – бір реттік науқан емес. Мемлекеттің дамуына қажет болса, реформалар осылай үздіксіз жалғаса береді, — деді президент.

Оқи отырыңыз