Қасым-Жомарт Тоқаев ел экономикасы жайлы: Салымыз суға кететіндей күйде емеспіз

Кездесу, Қасым-Жомарт Тоқаев, отандық бизнес қауымдастық өкілдері, экономика, сурет - Zakon.kz жаңалық 07.02.2025 17:19 Сурет: akorda.kz
Мемлекет басшысы Қасым-Жомарт Тоқаев отандық бизнес өкілдерімен болған кездесуде баршаны еліміздің қаржылық тұрақтылығын жетекші рейтинг агенттіктерінің болжамдары растап отырғанына назар аудартты, деп хабарлайды Zakon.kz.

Президент кейбір "сарапшылар" айтып жүргендей, ел экономикасының жағдайы соншалықты мүшкіл деген пікірмен келіспеді.

"Салымыз суға кететіндей күйде емеспіз. Бірақ босаңсуға да болмайды. Иә, экономикада 4,8 пайыздық өсім бар. Үкімет отырысында мұның Қазақстан үшін жеткіліксіз екенін айттым. Үкімет дамудың жаңа даңғылын іздеуі керек". Қасым-Жомарт Тоқаев

Бұл ретте, Мемлекет басшысының пікірінше, бизнес қоғамдастықтың рөлі үлкен.

"Халықаралық қаржы ұйымдары мемлекеттік қарыз деңгейін "аса жоғары емес", яғни басқаруға икемді деп бағалап отыр. Қарызды басқару саясаты бекітілген қаржылық шектеулерді қатаң сақтау арқылы жүргізіледі. Кіріс деңгейін арттыру есебінен бюджет тапшылығын азайту көзделген. Бұл мемлекеттің борышын төмендетуге мүмкіндік береді. Сондай-ақ ұзақмерзімді экономикалық өсімді қамтамасыз етеді", – деді Президент.

Бұған дейін Президенттің қосымша құн салығының үкімет ұсынған мөлшерлемесі тым жоғары деп санайтынын жазған болатынбыз. Сондай-ақ Мемлекет басшысы Қасым-Жомарт Тоқаев мемлекет пен бизнес арасындағы қарым-қатынасты цифрландыру өзекті екеніне назар аударды. Ал банкирлерге Президент қарызға белшесінен батқан азаматтарға көмектесу керектігін айтты.

Мақаламен бөлісу
Мақаламен бөлісу:
Жаңалықтан zakon.kz сайтында хабардар болыңыз:
Если вы видите данное сообщение, значит возникли проблемы с работой системы комментариев. Возможно у вас отключен JavaScript
Беттегі қате туралы хабарлаңыз
Мәтіндегі қате: