Тоқаев Абу Дабидің Тақ мұрагерін елорда әуежайында шығарып салды

Президент Қасым-Жомарт Тоқаев Абу Дабидің Тақ мұрагері Халед бен Мұхаммед бен Заид Әл Нахаянды елорда әуежайынан шығарып салды, деп хабарлайды Zakon.kz.

Бұл туралы Ақорда хабарлады.

Сурет: Ақорда

Абу-Дабидың Тақ мұрагері Қазақстанға ресми сапармен 2025 жылы 11 мамырда келді. 

"Ақорда" резиденциясында 2025 жылы 12 мамырда Қазақстанға ресми сапармен келген Абу Дабидің Тақ мұрагері шейх Халед бен Мұхаммед бен Заид Әл Нахаянды салтанатты қарсы алу рәсімі өткендігі жайлы жазған болатынбыз. Одан кейін Мемлекет басшысы Абу Дабидің Тақ мұрагерімен келіссөз жүргізді.