Тоқаевтың Нью-Йорктегі жұмыс сапары басталды

Мемлекет басшысы Қасым-Жомарт Тоқаевтың Нью-Йорктегі жұмыс сапары басталды. Бұл туралы 2025 жылы 21 қыркүйекте Ақорданың баспасөз қызметі ақпарат таратты, деп хабарлайды Zakon.kz.

Ақорданың хабарлауынша, Мемлекет басшысы БҰҰ Бас Ассамблеясының мерейтойлық 80-ші сессиясы аясындағы Жалпы дебатта сөз сөйлейді.

Президент бірқатар мемлекет басшыларымен және халықаралық ұйым жетекшілерімен келіссөз жүргізуді жоспарлап отыр.

Сондай-ақ сапар аясында трансұлттық компаниялардың өкілдерімен екіжақты және "дөңгелек үстел" форматында кездесулер ұйымдастырылып, Қазақстанның инвестициялық мүмкіндіктері кеңінен таныстырылады.

Айта кетсек, Қасым-Жомарт Тоқаев  2025 жылғы 8 қыркүйектегі Қазақстан халқына арнаған Жолдауында Нью-Йоркке жұмыс сапары жоспарланып отырғанын айтқан болатын.