Қазақстандық теннисші WTA 500 турнирінде алғаш рет жеңіске қол жеткізді
![Теннис, сурет - Zakon.kz жаңалық 15.01.2022 12:30](https://kaz.zakon.kz/pbi/WEBP/2023-12-20/file-8da7eae9-e1fe-4aea-bf3b-b4542ec62346/800x451.webp)
ҚТФ баспасөз қызметінің хабарлауынша, Данилина бразилиялық Беатрис Хаддад Майямен бірге жартылай финалда жарыстың екінші ракеткалары, жапониялықтар Сюко Аяома – Ена Шибахарамен шеберлік байқасты.
Бірінші партияда жетінші геймде Анна мен Беатрис брейк жасап, сол басымдылықты сақтап қалды – 6:4. Екінші сетте тай-брейкте жапониялықтар әбжілдік танытты – 7:6 (7:2). Супер тай-брейкте қазақстандық-бразилиялық жұп 5:2 есебімен алда тұрғанымен, қарсыластарының таразы басын теңестіруіне жол берді. Дегенмен сосын екі мини-брейк жасап, жеңісті жұлып алды – 10:6.
Анна мен Беатрис финалда германиялық Вивиан Хайзен – мажарстандық Панна Удвардимен бас жүлдені сарапқа салды. Соңғы жекпе-жек екі сағатқа жуық уақытқа созылып, үшінші сеттің супер тай-брейкінде жеңіске қол жеткізілді. Соңғы партиядағы сәттілік Анна мен Беатриске бұйырды – 4:6, 7:5, 10:8.