Ақтық сынға шыққан қазақстандық конькиші жүлделі орынға ие бола алмады
![Конькимен жүгіру спорты, сурет - Zakon.kz жаңалық 05.02.2022 16:20](https://kaz.zakon.kz/pbi/WEBP/2023-12-20/file-18b66ed6-50ea-4a0a-a91c-a55fb4b9e8fd/800x452.webp)
Коньки бойынша Қазақстан құрамасынан Надежда Морозова америкалық Мия Килбургпен бірге екінші жұп болып мұз айдынына шықты. Ол әйелдер арасында 3000 метр қашықтықты 4:04.97 уақытта жүгіріп өтті. Алдыңғы екі жүгіру кезінде көрсеткен жақсы көрсеткіштеріне қарамастан Надежда жүлделі орынға жете алмады. Оның алдын 4:01.77 уақытымен жапониялық спортшы Такаги Михо орап кетті.
Осылайша, отандасымыз жарысқа шыққан 30 спортшы ішінде 13-ші орынға тұрақтады.
Бірақ, соған қарамастан Надежда Қазақстанның рекордын жаңартқанын айта кетелік. Бұған дейін Людмила Прокашева бұл қашықтықты 4:05.01 уақытымен еңсерген болатын.
Басқа қашықтықтағы жарыстарда Морозованың өнерін алда әлі тамашалайтын боламыз.