Бейжің—2022: Виталий Пухкало жеке стартта топ—25 қатарына кірді

Виталий Пухкало, сурет - Zakon.kz жаңалық 11.02.2022 15:08

Сурет: Ұлттық олимпиада комитеті

11 ақпанда Бейжіңдегі Олимпиада ойындарында ерлер арасында жекелей стартпен жарыстар өтті. Жарысқа қазақстандық спортшылар да қатысты, деп хабарлайды Zakon.kz

Қазақстан атынан бүгінгі жарысқа Виталий Пухкало мен Евгений Величко қатысты. Жарыс қорытындысында Виталий Пухкало ең жақсы нәтижеге қол жеткізді. Ол 25-болып мәреге жетті. Евгений Величко қорытынды хаттамада 40-орынға тұрақтады.

Алтын медальді Финляндия өкілі Ииво Нисканен жеңіп алды. Ал екінші орынды Александр Большунов (Ресей Олимпиада комитеті) иеленді. Сонымен қатар үздік үштікке Норвегиядан келген Йоханнес Клебо енді.

Айта кетейік, 11 ақпан — Олимпиада ойындарындағы жарыстың алтыншы күні. Бұл жолы қазақстандық 8 спортшы бақ сынайды.

Қазақстандықтардың жарыс кестесі:

Биатлон. Әйелдер. Спринт

Галина Вишневская-Шепоренко.

Басталуы: 15:00

Трамплиннен тұғырдан секіру. Іріктеу

Даниил Васильев, Сергей Ткаченко.

Басталуы: 17:00

Шорт-трек. Ерлер. 500 метр. Іріктеу кезеңі

Денис Никиша, Әділ Ғалиахметов және Абзал Әжіғалиев

Басталуы: 17:12

Оқи отырыңыз