Спортшылардың Олимпиадаға дайындығы: мемлекет ҰОК-қа ақы төлемейді

Мәдениет және спорт министрлігінің Спорт және дене шынықтыру істері комитеті Қасым-Жомарт Тоқаевтың тапсырмасы бойынша Ұлттық Олимпиада комитетімен келісім-шартты бұзады, деп хабарлайды Zakon.kz.

Комитеттің хабарлауынша, келісімшартты мерзімінен бұрын бұзу туралы құжатқа комитет төрағасы Самат Ерғалиев қол қойған.

Бүгінде комитет келісім-шартты орындау аясында алдын ала 800 миллион теңге аударды. Қалған шығын берілген тапсырманың орындалғаны туралы актісіне сай өтеледі, - делінген ҰОК-қа жолданған құжатта.

Комитеттің баспасөз қызметі толық ақпарат 25 ақпанда өтетін Олимпиада ойындарының қорытындысы бойынша министрлік пен ҰОК отырысынан кейін берілетінін айтты.