Таэквондошы Жансель Дениз әлемдік рейтингте бірінші орынды иеленді

Таэквондодан жаңартылған әлемдік рейтингте қазақстандық спортшы Жансель Дениз бірінші орынға ие болды. Бұл – қазақстандық таэквондо тарихындағы алғашқы жетістік, деп хабарлайды Zakon.kz.

Әйелдер арасында 73 келіге дейінгі салмақта Жансель Дениз 139,81 ұпаймен көш бастап тұр. Екінші орынды 107,94 ұпаймен ресейлік Полина Хан иеленді. Үшінші орын 105,60 ұпай алған оңтүстіккореялық Да Бин Лиге бұйырды, деп жазды Sports.kz.

Бұл жеңіске дейін Жансель Денис төртінші орында болатын.

Еске салсақ, ол 2018 жылы Индонезияда өткен Азия ойындарында күміс медаль алып, спорттық мансабында елеулі жетістікке жетті.