Мейіржан Шермаханбет грек-рим күресінен Азия чемпионы болды
Сурет: instagram/drs_kz
Қазақстандық балуан Мейіржан Шермаханбет күрес түрлерінен Азия чемпионатында Қазақстан қоржынына екінші алтынды салды, деп хабарлайды Zakon.kz.
Мейіржан Шермахамбет 67 келі салмақ дәрежесінде топ жарды. Ұлттық олимпиада комитетінің хабарлауынша, ол финалда Оңтүстік Кореяның тәжірибелі балуаны Рю Хан Суды уақытынан бұрын жеңді.
Айта кетейік, Мейіржан Шермаханбет ширек финалда үндістандық, ал жартылай финалда өзбекстандық қарсыластарының жауырынын жерге тигізді. Ұлан-Батыр қаласында, күндізгі сессияда Мейіржан Шермаханбет (67 кг) бірінші жекпе-жегінде үндістандық Сачин Сахраватты таза ұтты (8:0). Содан кейін жартылай финалда өзбек Махмуд Бахшиллоевты жарты жолда қардырды (6:3).
Еске сала кетейік, 2019 жылғы Азия чемпионатының ақтық сынында екі балуан белдесіп, жеңісті Хан Су әкеткен еді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
