Ержет Жарылқасын грек-рим күресінен Азия чемпионы атанды
![Ержет Жарылқасын, Бішкек, грек-рим күресі, Азия чемпионаты, алтын медаль , сурет - Zakon.kz жаңалық 15.04.2024 18:14](https://kaz.zakon.kz/pbi/WEBP/2024-04-15/file-55ca6a59-9589-495f-999c-f7e97b4b7d73/400x225.webp)
Ұлттық олимпиада комитетінің хабарлауынша, 63 келі салмақта ел намысын қорғаған Ержет Жарылқасын финалда жапондық Аята Сузукимен кездесті.
Өте тартысты жекпе-жек 6:6 есебімен аяқталды. Алайда, әдіс сапасы жөнінен Ержеттің ұпайы қомақты болып есептеледі.
Бұл - Ержет Жарылқасынның ересектер арасында жеңіп алған алғашқы медалі.
Бішкекте күрес түрлерінен өтіп жатқан Азия чемпионатында бұл - Қазақстан құрамасының екінші алтын медалы, ал грек-рим күресінен біріншісі.
Айта кетсек, мұның алдында еркін күрестен 86 келіде сынға түскен Азамат Діулетбеков финалда өзбекстандық Жабраил Шапиевті 5:2 есебімен жеңді. Осылайша, ол өз салмағында үш дүркін Азия чемпионы атанды. Сондай-ақ еркін күрестен Қазақстан екі күміс медаль еншілеген: 97 келіге дейінгі салмақта Ризабек Айтмұхан және Асыл Айтақын.