Шавкат Рахмонов: Мен болашақ UFC чемпионымын

Шавкат Рахмонов, сурет - Zakon.kz жаңалық 23.06.2022 12:29

Сурет: Instagram/shavkatrakhmonov94

26 маусымда UFC Fight Night 208 турнирінде аралас жекпе-жектен қазақстандық Шавкат Рахмонов кезекті жекпе-жегін өткізеді. Nomad-тың қарсыласы «Гаитилік сенсация» лақап атымен танылған америкалық Нил Магни болмақ, деп хабарлайды Zakon.kz.

Қазақстандық боксшы Шавкат Рахмонов жекпе-жекке екі күн қалғанда баспасөз мәслихатында алдағы кездесу туралы өз ойын білдірді.

Нил Магни мен үшін тағы бір жақсы сынақ. Мен одан артық екенімді көрсетуге дайынмын. Бұл бөлімдегі ең үздік. Ертерек жеңіске келетін болсақ, мен өзіме ондай мақсат қойған жоқпын. Егер ол қателессе, мен бұл мүмкіндікті пайдаланамын. Маған титулға ықтимал үміткер ретінде БАҚ назарын аударып жатқанына қалай қараймын? Мен жауап беремін - мен болашақ UFC чемпионымын. Уақыт көрсетеді, бәрі өз орнына қойылады. Шавкат Рахмонов

Сонымен қатар, UFC әлеуметтік желілерде жеңілмеген қазақстандық боксшы Шавкат Рахмоновтың (15-0) бұл жекпе-жегінің алдында видео жариялады.

15-0! 🇰🇿@Rakhmonov1994 faces the always tough Neil Magny at #UFCVegas57 on Saturday! pic.twitter.com/Ld3h6DXQtD
— UFC Europe (@UFCEurope) June 22, 2022

Сондай-ақ, UFC Fight Nifgt 208 турнирінде тағы бір қазақстандық өнер көрсетеді. Алдын ала картада Сергей Морозов бұған дейін Жалғас Жұмағұловты жеңген бразилиялық Раулиан Пайвамен жұдырықтасады. Басты жарыста ресейлік Арман Царукян мен поляк Матеуш Гамрот кездеседі.

Оқи отырыңыз