«Барыс» хоккей клубы бір күнде үш хоккейшімен келісімшартқа отырды
Сурет: hcbarys.kz
«Барыс» хоккей клубы баспасөз қызметінің мәліметінше, Джесси Грэммен жасалған келісімшарт бір маусымға арналған, яғни 2023 жылдың 30 сәуіріне дейін. 2019 жылға дейін қорғаныс ойыншысы Солтүстік Американың түрлі лигаларында өнер көрсетті.
2012 жылы ол «Нью-Йорк Айлендерс» клубында болған. Жалпы, АХЛ-да Джесси 215 матч өткізіп, 88 (19+69) ұпай жинады.
Өткен маусымда Грэм Аугсбургтегі «Пантер» түстерін қорғады. Германия чемпионатында қорғаушы 52 матч ойнап, 42 (3+39) ұпай жинады. Бұл нәтиже Джессиге өз командасының үздік бомбардирі болуға және Лиганың ең нәтижелі қорғаушылар тізімінде екінші орынға ие болуға мүмкіндік берді.
Сурет: hcbarys.kz
Сондай-ақ «Барыс» хоккей клубы Джереми Браккомен келісімшарт жасады, америкалық шабуылшымен біржақты келісім бір маусымға арналған, яғни 2023 жылдың 30 сәуіріне дейін.
Шабуылшы мансабындағы барлық уақытын ол Солтүстік Америкада өткізген. АҚШ жасөспірімдер және жастар құрамаларының құрамында Джереми әлем чемпионы атанды. 2015 жылы ол «Торонтоға» өтті. 2017/18 жылдардағы маусымда Бракко «Торонто Марлис» сапында Колдер Кубогын жеңіп алды.
Жалпы, АХЛ-дағы 169 матчта ол 145 (32+113) ұпай жинады.Өткен маусымда хоккейші немістің «Крефельд Пингвин» командасында ойнады. Германия чемпионатындағы 54 матчта Джереми өз активіне 54 (14+40) ұпай жазып, өз командасының үздік ассистенті және шабуылшысы атанды.
Сурет: hcbarys.kz
Сондай-ақ «Барыс» хоккей клубы Кирилл Максимовпен келісімшартқа отырды, шабуылшы ойыншыны жалдау шарты 2023 жылғы 30 сәуірге дейін жарамды.
Максимов өзінің хоккей мансабындағы алғашқы қадамдарын Солтүстік Америкада жасады. 2017 жылы оны «Эдмонтон» құрамына алды.2020/21 жылғы маусымда Кирилл ЦСКА жүйесінде өнер көрсетіп, ҚХЛ-да 16 матч өткізді (3 ұпай, 2+1). Өткен маусымда шабуылшы «Юкурит» үшін Финляндия чемпионатында ойнады. Оның активінде 28 кездесу және нәтижелілігі үшін 9 (4+5) ұпай бар.
