Головкин мен Альварес арасындағы шешуші жекпе-жекке 17 күн қалды

Әлемдік бокс тарихында сөзсіз қалатын қазақстандық Геннадий Головкин мен мексикалық Сауль Альварес арасындағы классикалық текетіреске екі аптадан сәл астам уақыт қалды, деп хабарлайды Zakon.kz.

Бұған дейінгі екі жекпе-жек 2017 және 2018 жылдары өткен. Бірінші жекпе-жекте төрешілер GGG-ден жеңісті тартып алып, тең нәтиже жариялады. Одан кейін мексикалық та сот шешімімен екінші кездесудің жеңімпазы атанды. Ал енді үшінші шешуші шайқас 17 қыркүйекте өтеді. 76,2 келі салмақта WBA, WBC, IBF және WBO тұжырымдары бойынша әлем титулдарына қауіп төніп тұр.

Посмотреть эту публикацию в Instagram

A post shared by ҚАЗАҚСТАН КӘСІПҚОЙ БОКСЫ (@kasipkoyboxing)

"Канело" бірінші рет даусыз супер орта салмақтағы титулы үшін жұдырықтасады. Ал GGG бұрын-соңды мұндай салмақта жұдырықтасқан емес. Күні кеше мексикалықтың ашық жаттығуына қазақстандық бокс жанкүйерлері келіп, Саулдың реакциясын сезінді.

Посмотреть эту публикацию в Instagram

A post shared by SPORTS.KZ (@kzsports)

Қазір қос боксшы да бұл жекпе-жекке қызу дайындалып жатыр. Мамандардың көбі алдағы жекпе-жекте жеңісті "Канелоға" береді деп жатыр. Бірақ қазақстандықтың жетістігіне сенетіндер де бар.

Сауль Альварес (57-2-2, 39 КО) мен Геннадий Головкин (42-1-1, 37 КО) арасындағы үшінші жекпе-жек Лас-Вегаста (АҚШ) өтеді.