Геннадий Головкин "Канеломен" жекпе-жек алдында қорытынды мәлімдеме жасады

Геннадий мен Канело, сурет - Zakon.kz жаңалық 16.09.2022 10:34

Сурет: Instagram/gggboxing

Қазақстандық боксшы Геннадий Головкин (42-1-1, 37 КО) мен мексикалық Сауль "Канело" Альварес (57-2-2, 39 КО) Лас-Вегастағы (АҚШ) үшінші жекпе-жегі алдында қорытынды баспасөз мәслихаты мен көзқарастар жекпе-жегін өткізді, деп хабарлайды Zakon.kz.

Головкин мен Канело арасындағы үшінші жекпе-жек 18 қыркүйек күні таңертең Лас-Вегастағы T-Mobile аренасында өтеді.

Осында қайта келгеніме өте қуаныштымын. Кейінгі кездесуден бері төрт жыл өтіпті. Менің ойымша, бұл - барлық бокстағы ең үлкен күн, жанкүйерлер үшін ең үлкен сыйлық. Мен өзімді жайлы, күшті және дайын сезініп тұрмын. Өзімнің жеңісіме, өзіме, командама және мені қолдайтын барша адамға сенімдімін. Бұл - менің өмірім, менің шынайы өмірім. Канело екеуіміз де - кәсіби спортшылармыз. Оның стратегиясы агрессивті, менікі тәжірибелі. Кімнің мықты екенін жекпе-жек көрсетеді. Бұл өмірде бәрі мүмкін.Геннадий Головкин

"Канело" өз кезегінде жекпе-жекке екі күн қалғанда Геннадий Головкинді нокаутқа түсіруге тағы уәде берді.

Ақырында рингке қайта оралғаныма қуаныштымын. Бұл өте эмоционалды және мені ынталандырады. Кейінгі жекпе-жегімде жеңіліп қалдым, бірақ мен алға ұмтылып, жеңіске жету жолында жүретін адаммын. Мен көп жұмыс істедім және бұл жекпе-жекті он екі раундта аяқтайтын сияқтымын. Қиын болатынын білемін, бірақ өмірде оңай ештеңе жоқ. Әрқашан қиындықтарды жеңуге тырысып, бұл жекпе-жекті мерзімінен бұрын аяқтауға ынталымын. Бұл ретте менің қарсыласым мықты да, саналы күрескер екенін білемін. Бірақ бұл - менің мақсатым.Сауль Альварес

Оқи отырыңыз