Еуро-2024 іріктеу кезеңіндегі Қазақстанның қарсыластары анықталды

Франкфурт қаласында (Германия) 2024 жылғы футболдан Еуропа чемпионатының іріктеу турниріне қатысты жеребе тартылды, деп хабарлайды Zakon.kz.

Жеребеге 53 команда түсті, делінген УЕФА сайтында.

Германия Еуро-2024 қожайыны болғандықтан, бірден финалға жіберіліп іріктеу жеребесінен тыс қалды.

Жеребе тарту рәсімінде Қазақстан құрамасы H тобына түсті. Қарсыластары – Дания, Финляндия, Словения, Солтүстік Ирландия, Сан-Марино.

Құрамалардың топтарға бөлінуі төмендегіше:

А тобы: Испания, Шотландия, Норвегия, Грузия, Кипр,

B тобы: Нидерланд, Франция, Ирландия, Грекия, Гибралтар,

C тобы: Италия, Англия, Украина, Солтүстік Македония, Мальта,

D тобы: Хорватия, Уэльс, Армения, Түркия, Латвия,

E тобы: Польша, Чехия, Албания, Фарер аралдары, Молдова,

F тобы: Бельгия, Австрия, Швеция, Әзербайжан, Эстония,

G тобы: Венгрия, Сербия, Черногория, Болгария, Литва,

H тобы: Дания, Финляндия, Словения, Қазақстан, Солтүстік Ирландия, Сан-Марино

I тобы: Швейцария, Израиль, Румыния, Косово, Беларусь, Андорра,

J тобы: Португалия, Босния және Герцоговина, Исландия, Люксембург, Словакия, Лихтенштейн.

Айта кетсек, 2024 жылғы Еуропа чемпионатының финалдық кезеңі 10 қалада өтеді: Берлин ("Олимпиаштадион"), Дортмунд ("BVB-стадион"), Дюссельдорф ("Дюссельдорф аренасы"), Гамбург ("Фолькспаркштадион"), Гельзенкирхен ("Ауф Шальке аренасы"), Кельин ("Кельн стадионы"), Лейпциг ("Лейпциг Стадиумы"), Мюнхен ("Мюнхен аренасы"), Франкфурт ("Франкфурт аренасы") және Штутгарт ("Штутгарт аренасы").