Бокстан АЧ-2022: Серік Теміржанов жартылай финалға жолдама алды

Иорданияда бокстан Азия чемпионаты өтіп жатыр. 6 қазанда Қазақстан құрамасынан 57 келіге дейінгі салмақта Серік Теміржанов жартылай финалға шығу үшін ринг қожайыны Юсеф Яшпен жұдырық түйістіріп, өзара тартысқа түсті, деп хабарлайды Zakon.kz.

Отандасымыз үшін бұл - Аммандағы екінші жекпе-жек және екінші жеңісі.

Айта кетсек, бұған дейін Теміржанов Қазақстан құрамасы үшін осы жарыстағы алғашқы жеңісті сыйлаған болатын. Ол Түрікменстан боксшысы Ихлас Гылычжановпен жұдырықтасып, оған ешқандай мүмкіндік бермеді.