Еуропа лигасының өтпелі ойындары барысында "Барселона" мен "МЮ" кездеседі

Еуропа Лигасының өтпелі матчтарының жеребесі тартылды, оның қорытындысы бойынша турнирдің 1/8 финалына жолдама алу үшін өзара таласқа түсетін командалар жұбы анықталды. Мұндағы ең тартымды матчтың бірі - Еуропаның екі мықты клубы - "Барселона" мен "МЮ" кездесуі, деп хабарлайды Zakon.kz.

Сондай-ақ, қазіргі заманның ең мықты екі шабуылдаушысы бетпе-бет келеді: Криштиану Роналду ("Манчестер Юнайтед") және Роберт Левандовский ("Барселона"). Оның үстіне, бұл амбициясы керемет екі жаттықтырушының тайталасы: Эрик тен Хаг ("МУ") және Хави ("Барса").

Айта кетсек, каталондық ұжым еуро ойындарда "МЮ" командасын соңғы 4 матчта ойсырата ұтқан.

Еуропа Лигасы ойындарында өзге мына командалар өзара бақ сынайды:

• "Ювентус" - "Нант"

• "Спортинг" – "Мидтюлланд"

• "Шахтер – "Ренн"

• "Аякс" - "Унион"

• "Байер" - "Монако"

• "Севилья" - "ПСВ"

• "Зальцбург" – "Рома"

Аталған командалар өз алаңында және сырт алаңда бір-бірден кездесу өткізеді. Алғашқы матч 16 ақпанда басталады, бір аптадан кейін жауапты ойындарға кезек келеді. Өтпелі матчтардың жеңімпаздары Еуропа лигасының 1/8 финалына жолдама алады.