Дидье Дешам футболшыларының әлем чемпионатындағы жеңілісіне қатысты пікір білдірді
Сурет: Instagram/equipedefrance
Финалдық кездесуде француздар үшін бәрі ойдағыдай болған жоқ, олар ойынның 80-минутында 0:2 есебімен жеңіліп жатты. Бірақ бәрібір өздерін жинап, екі минутта екі гол соқты.
"Әрине, қазір өкініш жеткілікті, ірі есеппен ұтылып қалуымыз мүмкін еді. Ол кезде әңгіме болмас еді. Бір сағат бойы қарсыластың қақпасында болуы тиіс ештеңе жасамадық, бірақ кейін батылдық, күш-қуат, шеберлік көрсеттік. "Біз Аргентинаның барлық шырынын сығып алдық". Бірақ егер бірдеңені ұстап тұрғанда ол қолыңыздан сырғып кетсе, бұны көтеру қиынырақ болады. Оған шыдау керек".Дидье Дешам, футболдан Франция құрамасының бас бапкері
Қосымша уақытта – 2:3 есебімен ұтылып жатса да, 2018 жылғы әлем чемпиондары мойымай, теңгерімді қалпына келтіре білді. Үш голдың да қаһарманы әрі авторы Килиан Мбаппе болды.
"Мен ерте ауыстырулар жасадым, өйткені көңілім толмады. Жақсырақ жұмыс істей аламыз деп ойладым. Бұл ауыстырылған ойыншылар басқаларға қарағанда көбірек кінәлі дегенді білдірмейді. Біз түрлі себеппен өз күшімізді көрсете алмадық. Бірақ мен егжей-тегжейге тоқталмай-ақ қояйын, біз шеберлік пен ерік-жігердің арқасында өте қиын жағдайды өз бетімен қайтара алдық, бірақ бұл жеткіліксіз болды".Дидье Дешам
Қорытынды кездесуден кейін Франция президенті Эммануэль Макрон Дидье Дешамнан ұлттық құрамадан кетпеуді өтінді. 54 жастағы француз бапкерінің келісімшарты 10 күннен кейін аяқталады, содан кейін оның жаңа келісім-шартқа отыру мүмкіндігі белгілі болады.
Дешамның жетекшілігімен француздар кейінгі екі әлем чемпионатын финалда өткізді. 18 желтоқсанда Аргентинаға ұтылып қалса, төрт жыл бұрын финалда Хорватияны жеңіп, Ресейде әлем чемпионы атанды.
