Батыр Жүкембаев оңтүстік африкалық қарсыласын нокаутқа жіберді

Батыр Жүкембаев Алматыда өткен бокс кешінде оңтүстік африкалық қарсыласын жер жастандырды, деп хабарлайды Zakon.kz.

Айта кетсек, Батыр бірінші жартылай орта дивизионда өнер көрсетті.

Негізінен, жекпе-жек 10 раундқа жоспарланған болатын, бірақ 6-шы раундта Жүкембаев қарсыласын нокаутқа жіберді. Бұған дейін де Мкотели бірнеше рет нокдаунға түскен болатын.

Бұл отандасымыздың 20-шы жеңісі (оның 16-сы мерзімінен бұрын болған), кәсіби рингте тек бір жеңілісі тіркелген.

Айта кетсек, Батыр Жүкембаев Қазақстанда кәсіби рингте бірінші рет өнер көрсетті. Бұған дейін 31 жастағы боксшының барлық жекпе-жектері Канада мен АҚШ-та өткен болатын.