Абылайхан Жүсіпов АҚШ-та мықты әрі тәжірибелі қарсыласын нокаутқа жіберді

Қазақстандық боксшы Абылайхан Жүсіпов (3-0, 2 КО) Тулса қаласында (АҚШ, Оклахома) өткен бокс кешінде өнер көрсетті, деп хабарлайды Zakon.kz.

Жүсіпов никарагуалық Уистон Кампоспен (33-11-6, 19 КО) жекпе-жек өткізді. Жартылай орта салмақтағы бұл жекпе-жек сегіз раундтан тұруы тиіс еді. Бірақ бесінші раундта техникалық нокаутпен қазақстандық мерзімінен бұрын жеңіске жетті, деп хабарлайды Sports.kz.

Осылайша, Абылайхан Жүсіпов кәсіби мансабындағы төртінші жеңісіне қол жеткізді, ал Уинстон Кампос кәсіпқой рингте 12 мәрте жеңіліске ұшырады. Жүсіпов әуесқой бокстан әлем чемпионатының үш мәрте қола жүлдегері (2017, 2019, 2021) атанған, сондай-ақ 2017 жылғы Азия чемпионатында күміс медаль иеленген.