Шахматшы қыз Бибісара бозбалаларды елеңдеткен сауалға жауап берді

Әлеуметтік желі, сурет - Zakon.kz жаңалық 14.01.2023 16:55

Сурет: Instagram/bibisarachess

Қазақстандық шахматшы Бибісара Асаубаева Instagram-дағы парақшасына келіп түскен сұрақтардың біріне жауап берді. Ол оның жеке өмірімен байланысты сұрақ болды, деп хабарлайды Zakon.kz.

Бибісара Асаубаева Instagram-дағы өз парақшасында анонимнің атынан келіп түскен сұраққа жауап беруді жөн көріпті.

"Бір ыдыста тіс щеткам Сіздікімен бірге тұруы үшін не істесем болады?", деп сұрайды аноним жігіт Бибісарадан.

"Ештеңе. Өйткені қазір ол арада бос орын жоқ", деп жазған спортшы қыз бір-екі эмодзиді де іле кетіп, деп хабарлайды Sports.kz желіден скриншот ұсынып.

Алайда спортшы қыздың желідегі парақшасында бұл жазба қазір жоқ, соған қарағанда ол оны жойып жібергенге ұқсайды.

Айта кетсек, 18 жастағы Бибісара Асаубаева блиц бойынша екі дүркін әлем чемпионы, сондай-ақ әлем чемпионатының күміс жүлдегері және рапидтен Азия чемпионы. Қазіргі уақытта Тараздың тумасы Мәскеуде тұрады.

Оқи отырыңыз