Қазақстан шаңғышылары Универсиаданың қола жүлдесін жеңіп алды
![шаңғы, сурет - Zakon.kz жаңалық 20.01.2023 23:11](https://kaz.zakon.kz/pbi/WEBP/2023-12-20/file-ff4edc56-5b76-4bc6-828e-88645c5b9cd2/800x404.webp)
Мәреге бірінші болып Финляндия спортшылары жетті. Екінші орынды Норвегия құрамасы иеленді. Қазақстандық Айша Рақышева, Ксения Шалыгина және Надежда Степашкина үшінші орын алды. Бұл туралы prosports.kz хабарлады.
Қазір Қазақстан құрамасында 3 алтын және 2 қола медаль бар, еліміз медаль есебі бойынша 8-орында тұр.
Жапония 18 алтын, 14 күміс және 5 қола медальмен көш бастап тұр. Екінші орында Оңтүстік Корея - 7 алтын, 5 күміс, 5 қола. Үшінші орында Полша тұр. Бұл ел Универсиаданың 4 алтынын, 5 күмісін, 6 қоласын иеленді.
Еске салайық, бұған дейін АҚШ-тың Лэйк-Плэсид қаласында өтіп жатқан Қысқы универсиадада биатлоншылар Вадим Куралес пен Бекентай Тұрлыбеков және шаңғымен секіруден Данил Васильев чемпион атанған еді.