Елена Рыбакина AusOpen-2023 чемпионатының жартылай финалында кіммен сайысқа түсетіні белгілі болды
Сурет: Instagram/vichka35
Қазақстандық теннисші Елена Рыбакинаның Аустралия-2023 ашық чемпионатының жартылай финалындағы қарсыласы анықталды. Ол – Мельбурн корттарында екі рет жекелей сында (2012 және 2013) жеңіске жеткен Беларусь спортшысы Виктория Азаренка, деп хабарлайды Zakon.kz.
Виктория Азаренка AusOpen чемпионатының екінші ширек финалында әлемнің үшінші ракеткасы америкалық Джессика Пегуладан 6:4, 6:1 есебімен басым түсті. Беларусь теннисшісі – осы турнирдегі ең атақты әрі тәжірибелі спортшылардың бірі. Бір кездері ол ғаламның бірінші ракеткасы атанса, қазір әйелдер рейтингісінде 24-орында.
Азаренка Максим Мирныймен аралас жұпта 2012 жылғы Олимпиада чемпионы, сондай-ақ жекелей сында қола жүлдегер атанды. Үш рет АҚШ-тың ашық чемпионатында жекелей сында финалист, аралас жұпта екі "Үлкен дулыға" турнирінің жеңімпазы болды. 30 WTA турнирінде жеңіске жетті.
Елена Рыбакина мен Виктория Азаренканың арасындағы AusOpen 2023 жартылай финалы 24 қаңтарда өтеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
