Азия чемпионатында өнер көрсеткен тоғыз боксшы қыздың екеуі финалға жолдама алды

Бокс, сурет - Zakon.kz жаңалық 24.01.2023 21:34

Сурет: sports.kz

Бангкокта (Таиланд) өтіп жатқан 22 жасқа дейінгі жастар арасында бокстан Азия чемпионатында Қазақстан қыздар құрамасынан екі боксшы финалға жолдама алды, ал жетеуі жартылай финалда өз ойындарын аяқтады, деп хабарлайды Zakon.kz.

70 келіде өнер көрсететін Жасмин Кизатова мен 81 келіде Гүлсая Ержан алтын медальдан үмітті.

Жасминнің қарсыласы өзбекстандық Азиза Зорикова болса, Гүлсая тай боксшысы Порнипа Чутиға қарсы өнер көрсетеді, делінген kzsports-тың Instagram парақшасында.

Финал 25 қаңтарда Астана уақытымен 13:00-де басталады.

Айта кетсек, 22 жасқа дейінгілер арасында бокстан Азия чемпионатында ерлер құрамасынан 11 спортшы өнер көрсетіп, оның алтауы финалға шықты. Олардың қатарында Санжар Ташкенбай (48 келі), Нұрсұлтан Алтынбек (54 келі), Махмуд Сабырхан (57 келі), Абзал Серік (67 келі), Сабыржан Аққалыков (71 келі) және Диас Молжігітов (75 келі) бар.

Оқи отырыңыз: Бокстан АЧ-2023: Алтын медальға таласатын алты боксшымыздың қарсыластары анықталды

Оқи отырыңыз