Санжар Тәшкенбай бокстан жастар арасындағы чемпионаттың алтынын жеңіп алды

Сурет: Instagram/boxingkazakhstan

Жеңіл салмақтағы қазақстандық боксшы Санжар Тәшкенбай 2023 жылы Бангкок қаласында (Таиланд) өтіп жатқан 22 жасқа дейінгі Азия чемпионатының финалдық жекпе-жегін сәтті өткізіп, шешуші кездесуде қарсыласын жеңді, деп хабарлайды Zakon.kz.

48 келіге дейінгі салмақта алтын медаль үшін белдесуде қазақстандық боксшы өзбек боксшысы Шодиержон Меликузиевпен қолғап түйістірді. Жекпе-жек барысында Санжар мықтылығына күмән келтіруге жол бермеді.

Енді ересектер арасындағы 2022 жылғы Азия чемпионы Санжар Тәшкенбайдың тағы бір атағы пайда болды. Оның 2021 жылғы жастар арасындағы әлем чемпионы деген атағы да бар.

Санжардан кейін тағы бес қазақстандық финалист Бангкок рингіне көтеріледі: Нұрсұлтан Алтынбек (54 келі), Махмұд Сабырхан (57 келі), Абзал Серік (67 келі), Сабыржан Аққалықов (71 келі) және Диас Молжігітов (75 келі).

Оқи отырыңыз