Индонезияда өтіп жатқан тапаншамен нысана көздеуден әлем кубогінде екі жерлесіміз қола жүлдегер атанды
Сурет: kazsports.kz
Индонезия астанасы Джакартада винтовка және тапаншамен нысана көздеуден Әлем кубогі өтіп жатыр. Қазақстанның атынан сынға түскен Валерий Рахымжан мен Ирина Юнусметова пневматикалық тапаншамен 10 метрден нысана көздеу сайысының қола жүлдегері атанды, деп хабарлайды Zakon.kz.
Спортты дамыту дирекциясының ресми сайты жариялаған ақпаратқа сүйенсек,
Джакартадағы бәсекеге барлығы 15 қазақстандық спортшы аттанды. Олардың бәрі Әлем Кубогі қарсаңында 10-26 қаңтар аралығында Кувейтте өткен оқу-жаттығу жиынына қатысқан.
Қазақстан құрамасы аралас жұптар арасындағы жүлдеге таласта Оңтүстік Корея спортшыларын 16-10 есебімен жеңді. Екінші қола Аустрия мергендеріне бұйырды.
Кеше Валерий Рахымжан пневматикалық тапаншамен 10 метрден нысана көздеуден жекелей сында 4-орын алған еді.
Қазір Қазақстан және Польша құрамасы жалпы есепте 2 медальмен (1 күміс, 1 қола) 7-орында тұр.
Индонезиядағы сайыста (31 елден, 300-ге жуық спортшы келген) рейтинг ұпайлары сарапқа салынып жатыр. Ал бұл ұпайлар кейін Париж Олимпиадасына қатысуға мүмкіндік береді.
Әлем Кубогі 7 ақпанда мәресіне жетеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
