Софияда Оразбек Асылқұлов өзбек чемпионын ұтып кетіп, кішігірім сенсация жасады

Қазақстандық боксшы Оразбек Асылқұлов Софиядағы (Болгария) "Странджа" халықаралық турнирінің ширек финалында бокстан әлемнің вице-чемпионынан басым түсіп, күтпеген жеңіс сыйлады, деп хабарлайды Zakon.kz.

Турнирдің 1/4 финалында 57 келіге дейінгі салмақ дәрежесінде Асылқұлов өзбекстандық Әбдумәлік Халоковпен шаршы алаңда бақ сынады. Төрешілер шешімімен бұл кездесуде отандасымыз басым түсті, деп хабарлайды Sports.kz.

Осылайша, Оразбек Асылқұлов 2023 жылғы бокстан кіші әлем чемпионатының жартылай финалына шығып, кем дегенде қола медальдан үмітті.

Әбдімәлік Халоков - әлемнің вице-чемпионы (2021), Азия чемпионы (2022), ерлер арасындағы Олимпиада чемпионы (2018) және жастар арасындағы әлем чемпионы (2018). Қазақстан мен Өзбекстан құрамаларының "Странджа" турнирі аясындағы бақталастығына келетін болсақ, Қазақстан үшін бұл - бірінші жеңіс. Бұған дейін қазақстандық боксшылар өзбекстандықтарға қарсы төрт жекпе-жек өткізіп, төртеуінде де жеңілген болатын.