Елена Рыбакинаның Майами финалындағы қарсыласы және шешуші матчтың уақыты белгілі болды

Сурет: Instagram/drs_kz

Майами WTA 1000 турнирінің жартылай финалында чехиялық Петра Квитова мен дүниежүзілік рейтингіде 74-орында тұрған румыниялық Сорана Кырстя шеберлік байқасты. Енді турнирдің басты жүлдесін әлемнің 12-ракеткасы Елена Рыбакинамен бірге сарапқа салады, деп хабарлайды Zakon.kz.

Елена Рыбакина мен Петра Квитова бұған дейін екі рет кездескен болатын, есеп – 1:1. Өткен жылы Острава (Чехия) додасында қазақстандық теннисші 7:6 (7:3), 6:4 есебімен басым түссе, биыл Аделаида 2 (Аустралия) турнирінде Квитова қарымта қайырды – 6:3, 7:5.

Сурет: Instagram/wta

Финалдық матч бүгін, 2 сәуірге қараған түні өтеді.

Матчтың басталуы уақыты - Астана уақытымен сағат 01: 00-де. Бәске бірнеше олжа тігілген. Miami Open-2023 кубогының иегері чемпион атағымен қоса 1000 рейтингтік ұпай мен 1 262 220 доллар ақшалай сыйлық алады. Ал Елена Рыбакина жеңетін болса, ол рейтингте тағы бір сатыға жоғарылауға мүмкіндік алмақ.

Оқи отырыңыз