Қазақстан жеңіл атлетика федерациясы допинг дауына қатысты түсінік берді
Сурет: Twitter/WorldAthletics
Жеңіл атлетика федерациясы қазақстандық жеңілатлет, әлем чемпионы Нора Джерутоны допингке қарсы ережені бұзды деп айыпқа қатысты түсінік берді, деп хабарлайды Zakon.kz.
"Athletics Integrity Unit (AIU), World Athletics еншілес ұйымы, спортшы Нора Джерутоны қан сынамалардың айғақтары негізінде допингке қарсы ережені бұзды деп айыптады. Допинг сынамасын зерттеу кезінде спортшының ағзасында тыйым салынған заттар табылмады, алайда гематологиялық профилінде өзгеріс тіркелді. AIU сарапшыларының пікірі бойынша, бұл өзгерістер тыйым салынған заттар немесе әдістерді қолдану мүмкіндігіне көрсетеді". Қазақстан жеңіл атлетика федерациясы
Нора Джеруто AIU комиссиясына халықаралық дәрігерлердің растап берген қорытындысы мен медициналық құжаттардың толық пакетін берген.
"Бұл тұжырымдар допинг немесе ЭПО инъекцияларын қолдану емес, өткен аурулардың салдарынан болған спортшының биологиялық паспортындағы өзгерістерді толық түсіндіреді. AIU комиссиясы мәселе толық анықталғанша және түпкілікті шешім қабылданғанша спортшы Нора Джерутоны кез келген жарыстарға немесе іс-шараларға қатысудан уақытша шеттетеді". Қазақстан жеңіл атлетика федерациясы
Жеңіл атлетика федерациясы сонымен бірге Нора Джерутоның жүкті болғаны себепті биылғы күзге дейін жарыстарға қатысуды жоспарламағанын мәлімдеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
