"Ролан Гаррос": Рыбакина чех теннисшісін жеңіп, турнирдің екінші айналымына өтті

Қазақстан теннисшісі, әлемнің 4-ші ракеткасы Елена Рыбакина Францияның Ашық чемпионатының бірінші айналымында Чехия өкілі Бренда Фрухвиртованы (146 WTA) 6:4, 6:2 есебімен жеңді, деп хабарлайды Zakon.kz

Қазақстан теннис федерациясының мәліметінше, осылайша Рыбакина "Ролан Гаррос" турнирінің екінші айналымына өтті.

Аталған матч 1 сағат 21 минутқа созылды. Елена 9 эйс жасап, сегіз брейк-пойнттың бесеуін (63%) сәтті жүзеге асырды.

Келесі раундта Қазақстанның алғашқы ракеткасы Чехияның тағы бір теннисшісі Линда Носковамен (50 WTA) ойнайды.

Айта кетсек, бұл - Рыбакинаның 2023 жыл барысындағы 10-шы жеңісі.