Бокстан экс-чемпион өзіне IBF-дің тарту еткен сыйлығын көрсетіп мақтанды
Сурет: Instagram/murodjon_akhmadaliev
Халықаралық бокс федерациясы (IBF) екінші жеңіл салмақтағы IBF және WBA нұсқалары бойынша бұрынғы әлем чемпионы Муроджон Ахмадалиевке (11-1, 8 КО) чемпион сақинасын тарту етті, деп хабарлайды Zakon.kz.
Сүйінші хабармен 28 жастағы өзбекстандық боксшы Instagram-дағы парақшасында бөлісті. Ахмадалиев қолына салған балдақ сақинаның суретін де жариялап, оны жақыннан көрсетті.
"Алхамдулилла, маған осы чемпионның балдақ сақинасын тарту еткені үшін IBF-ке алғыс айтамын! Үш дүркін титулды сәтті қорғадым. Ин Ша Алла, көп ұзамай атақтарымды қайтарып аламын. Әрдайым маған қолдау білдіруші командама рақмет! Біз жаңа жетістіктерге ұмтылатын боламыз", - деп жазды боксшы әлеуметтік желіде.
Айта кетсек, Муроджон Ахмадалиев 2023 жылдың 8 сәуірінде филиппиндік Марлон Тапалестен жеңіліп, чемпион атағынан айырылған болатын.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
