Андрей Голубев Австриядағы "Челленджердің" финалына шықты

Қазақстандық Андрей Голубев украиналық Денис Молчановпен жұптасып, Зальцбургтегі "Челленджердің" финалына шықты, деп хабарлайды Zakon.kz.

Жартылай финалда Голубев пен Молчанов сербиялық Никола Качич пен румыниялық Влад Виктор Корняны 6:2, 7:6 есебімен жеңді.

Турнирдің финалында қазақ-украин теннисшілері енді үндістандық спортшылар Виджай Сундар Прашант пен Анируд Чандрасекарға қарсы ойнайды.

Финалдық матч бүгін, 15 шілдеде Астана уақытымен 18:20-да басталады.