Даниал Рахматуллаев әлемдегі үздік 200 жас теннисшінің қатарына кірді

теннис, сурет - Zakon.kz жаңалық 15.07.2023 11:12

Сурет: ktf.kz

Халықаралық теннис федерациясы (ITF) 18 жас және одан кішілер арасында жаңартылған әлемдік рейтингті жария етті. Ирандағы қос бірдей жарыста чемпион атанған Даниал Рахматуллаев 284-тен бірден 189-орынға көтерілді, деп хабарлайды Zakon.kz Қазақстан теннис федерациясына сілтеме жасап.

Сөйтіп ол әлемдегі үздік 200 жасөспірім теннисшінің қатарына кірді.

Ерасыл Ерділдә ТОП-100-ге жақындап қалды, қазір ол 150-сатыда тұр. Сондай-ақ Максим Батютенко – 176, Виталий Зацепин – 235, Әмір Омарханов – 265, Ілияс Маратұлы – 273, Данир Қалдыбеков – 391, Жақас Қозыбақ 442-орынға жайғасты. Заңғар Нұрланұлы 637-ден 537-ге жоғарылады.

Жасөспірім қыздар арасында Асылжан Арыстанбекова – 141, Сандуғаш Кенжебаева – 156, Дана Байдәулет – 176, Айя Нұпбай – 193, Ульяна Романова – 403, Полина Слепцова – 447, Іңкәр Дүйсебай – 477, Дильназ Машабаева 498-орында келеді.

Оқи отырыңыз