Астанадағы турнирде қазақстандық тек бір теннисші қалды

Астанада өтіп жатқан "Челленджер" сериясындағы Президент кубогы турнирінде бір ғана қазақстандық теннисші Денис Евсеев қалды, ол жекелей сында жартылай финалға шықты, деп хабарлайды Zakon.kz.

Қазақстандық ширек финалда Беларусь өкілі Александр Згировскийді 6:2, 6:4 есебімен сенімді түрде ұтты. Финалға шығу үшін Денис Евсеев Янки Эрелмен (Түркия) ойнайды.

Евсеев жұптық сайыста да жартылай финалға шыққан еді, алайда ресейлік Егор Герасимовпен бірге жапониялық Тошихиде Мацуи мен Кайто Уэсугиден 0:6, 7:6, 4:10 есебімен жеңілді.