Универсиада: таеквондошы Рита Бакишева Қазақстанға алғашқы алтынды сыйлады

Универсиада, сурет - Zakon.kz жаңалық 31.07.2023 23:52

Сурет: instagram.com/drs_kz/

Таеквондошы Рита Бакишева (46 келі салмақта) Қытайдың Чэнду қаласында өтіп жатқан ХХХІ Дүниежүзілік жазғы универсиаданың чемпионы атанды, деп хабарлайды Zakon.kz.

Қазақстандық спортшы финалда тайбэйлік Хуан Ин-Сюаньды ұтты. Рита биыл таеквондодан Бакуде өткен Әлем чемпионатында ширек финалға дейін жеткен.

Бұған дейін Универсиадада Қазақстан құрамасының бірнеше атлеті күміс, қола медаль алды.

Олар:

Күміс медаль

Ислам Сәтбаев, Константин Малиновский Малиновский, Никита Шахторин (нысана көздеуден ұлттық құрама);
Никита Чирюкин (тапанша, 25 м);
Елжана Тәниева (көркем гимнастика, доп);
Диана Тұрсынбек (садақ ату);
Елжана Тәниева (көркем гимнастика, лента).

Қола медаль

Сұңғат Жұбатқан (дзюдо, 66 келі);
Асқар Нарқұлов (дзюдо, 73 келі);
Ислам Сәтбаев, Константин Малиновский Малиновский, Никита Шахторин (нысана көздеуден ұлттық құрама);
Елжана Тәниева (көркем гимнастика, шығыршық);
Бекарыс Сәдуақас (дзюдо, 100 келі).

Қазір Қазақстан құрамасы жалпы есепте 10-орынға көтерілді. Ел спортшылары 1 алтын, 5 күміс, 5 қола медаль жеңіп алды.

Оқи отырыңыз