Бүкіләлемдік жазғы универсиада: таэквондошы қызымыз топ жарды

Чэнду қаласында өтіп жатқан Дүниежүзілік универсиаданың алғашқы алтынын Қазақстанға таэквондошы Рита Бакишева әкелді, деп хабарлайды Zakon.kz.

 Астана әкімдігінің ресми сайтының жазуынша, қазақстандық Рита Бакишева 46 келіге дейінгі салмақ дәрежесінде финалда Қытайдың Тайбэй өкілінен басым түсті.

Бұған дейін Елжан Таниева лентамен көркем гимнастикадан жеке жарыстарда күмісті жеңіп алған болатын.

Осылайша Қазақстан құрамасының қоржынына он бір медаль түсті – бір алтын, бес күміс және бес қола.

Чэндудегі 31-Дүниежүзілік жазғы универсиада 8 тамызға дейін болады.